JOKUAK SORTZEN

Kaixo guztioi, gaur beste eguneko Scratch programarekin jarraituko dugu, baina gaurko honetan, nire klasekidea Iraia Alvarez eta biok sortu izan dugun jokua aurkeztuko dizuet.

Jokua "Scratch" programarekin egin dugu, aurreko post-ean azaldu nizuen programarekin, alegia. Sortzeko, jarraitu izan ditugu pausuak, eta gutxika-gutxika eraikitzen joan gara. Esan beharra dago, hasiera batean ez genuela ezer ulertzen eta pentsatzen genuela ez ginela gai izango horrelako joku bat sortzeko. Baina,denbora pasa ahala eta gero eta praktika gehiago hartuz, orduan eta errazagoa egin zaigu sorkuntza eta azkenean lortu izan dugu joku nahiko interesgarria egitea.

Jokura jolasteko hurrengo baldintzak bete behar dira:

• Tximinoa ezin du ez bananak ez sagarrak ukitu.
• Tximinoa ezin da bide urdinetik atera, ezin du kolore beltza ukitu.
• Tximinoa fruituak edota kolore beltza ukitzean, partida gelditu egingo da, era berriro hasi beharko zarete.
• Tximinoa, aurreko baldintzak betez, helmugara heldu behar da irabazteko.

Hona hemen linka, zuek jolastu ahal izateko, helmugara heltzen bazarete irabazleak izango zarete, eta esan behar da, ia inork ez dela heltzen! Sorte on eta animo!!!

https://scratch.mit.edu/projects/133486167/

ADI! Partida hasteko, bandera berderari eman beharko diezue eta tximinoa mugiarazteko, teklatuaren "ESPACIO" teklari eman beharko diozue, orduan tximinoa saguaren bidea jarraitu egingo du.

Eskerrik askoo!!

SCRATCH

Kaixo guztioi, gaur informatikaren inguruko aplikazio batekin gatoz: Scratch. Aplikazio honek programazioan oinarritzen da, saiakuntza eta esplorazioa helburu bezala izanda. 

Aplikazio honen izena "Scratching" teknikatik dator, hizkuntzari zein haren aplikazioari dagokiona. Scratch-en objektu guztiak, grafikoak eta soinak modu errazean inportatu ahal dira programa berri batean eta hainbat eratan konbinatu daitezkeenak. 

Programa hau, hasiera batean, zaila iruditu daiteke. Izan ere, nik lehenengo aldiz erabili nuenean, hasiera betan zeharo galduta nengoen; ez nekien nola erabiltzen ziren botoiak, eta ez nakien nola mugitu behar ziren objektuak/irudiak. Gero eta gehiago erabili orduan eta errezago da gauzak egiteko, jokuak sortzeko, etab. 

Programatzerako orduan, gauza asko kontuan izan behar dira. Lehenengo gauza, edozein objektu mugitzeko, bandera berdearen "kasila" jarri behar da, jokuari hasiera ematen diona. Ostean, objektu bat aukeratu (katua adibidez) eta nahi dituzun mugimenduak egitea jarri, pantailaren ezkerrean agertzen diren zutabetik aukeratuz. Horrez gain, objektuei soinua jarri diezaiokezu, jokuari puntu interesgarria gehitzen diona.

Behin nahi dituzun mugimenduak jarrita, goian agertzen den bandera berdeari eman eta ikusi daiteke; ipuina edo bideo bat bezalakoa bada, begiratuz, joku bat bada aldiz, bandera berdea sakatzean jolastu daiteke. 

Hona hemen, matematika irakasgaiko mintegian egin genuen jokuaren irudi bat:

Scratch aplikazio honi buruz esan dezaket oso interesgarria dela ikasleekin egiteko, beti ere kontuan izanda haien adina, nire ustez, Lehen Hezkuntzako hirugarren zikloan hastea egokiena izango litzateke. Izan ere, aplikazio honek puntu batzuk ditu nahiko zailak  ulertzeko direnak, eta ulertzeko denbora baino gehiago behar da. Hori dela eta, 10 urteko ikasleekin horrelako aplikazioak erabiltzea eskoletan oso onuragarria dela uste dut. Izan ere, haien motibazioa pizteaz gain, batez ere sormena bultzatuko litzateke Scratch-aren bidez, hezkuntza arloan garrantzi gehienetariko gaitasuna dena.

Hori horrela izanda,gomendatzen dizuet aukera izatekotan Scratch aplikazio hau frogatze, eta ziur nago zuen gustokoa izango dela. Laster arte!

Eskerrik asko!